LA CUCINE 'NGHE LA JERVE

In confronte a li timpe de 'na vote mò seme abbituate a magnà bbone; e cuscì de la jerve appena còte c'eme scurdate e de lu callarone nghe dentre li virdure d'ogni sorte c'oramai cchiù nisciune sap'addice larghe, a mazzitte, a gamb lunghe o corte, se si magne nghe tutte li radice. E fusse belle de putè arcurdà chilli piatte nghe l'erbe de campagne ca ce vuleje nu jurne a recapà ma accuscì bbone pu' quanne se magne. Pr'esempie me ve 'n cocce la cicorje accumpagnate nghe 'n po' di fasciule e pu' m'arvene pure alla memorie ddu' patanelle nghe li fujje di cule. Dapu' li vrucculitte suffucate e lu tijane al forne de la ghiotte, nu belle piatte de peperunate o 'na bella purzjone di ciabbotte. Che prufume li fujje strascinate oppure di Nannò li fasciulitte, o ‘na bella vazzije di cipullate accumpagnate da lu pane fritte. Li patane si cuceje a la cenere oppure se faceje sott'a lu coppe nghe nu prufume e sempre cuscì tenere e che n’n s’avè da cocere mai troppe, e quille nghe lu sellar' e cipolle, nghe li cime di rape a lu tijane, o nghe li pependune e chicuccelle a foche basse, cotte piane piane. E le zuppe di cice, di linticchie, di fasciule vullite nghe lu lacce 'mprufumate di laure e di finucchie ca se senteje pe' tutte li paragge. Le fave secche cotte nghe la mbiete e nghe le rape oppure la cicorje: e dope c' armullive certe pète ca t'armaneve scritte a la memorje. Ma quelle fresche de la Primavere si cuijè la matine nghe la guazze pe' putelle magnà dapù la sere, annegate nghe vine rosce a tazze,

nghe 'na felle de cace picurine, lu prisutte o nu poche de ventresche, nghe l'amice a la case o a la cantine sempre nghe pane onte ddù o tre lesche. N'atru piatte che mò nen se fa cchiù ere le tolle di cipolle e d'aje vullite 'n mezze a l’acque c'ardà su e cundite nghe acete, sale e oje. E, pe' chiude, nu piatte 'ccezzjunale la "Pizz'e fujje" nghe tutte li culure de li piatte di mò 'nternazzjunale, ma che, pe' me, teneve cchiù sapure. La biete, rape e verze ci vuleve ammisticate nghe li "fojje a 'nderre" ca nghe la ceste 'n gire s'arcujeve girenne pe' li campe e pe' le terre. Ci steje cacìgne, spràine e rucchettùne, cecorje, papambèle e piscialette, verraine, purcellane e lu criscione e pu'......chi cchiù ne te' cchiù n'ha da mette. Si faceje lessa jù a lu callare nghe 'n po' di sale pe' na mezz'urette; pu' si sculeve e si face saltare nghe l'uje, l'aje e 'n po' de lazzarette. Farine de randinie pe' la pizze 'mpastate nghe lu sale e acque che volle. E a lu camine lu foche s'attizze su li matune ca duvente calle. Ci si mette la pizze alte ddù dite e s'armante precise nghe lu coppe ca va cuperte nghe brace 'nfuchite non cchiù de 'na mezz'ore, o coce troppe. Si sforne e pù si tajje a pizzittune ca v'ammischiate a tutte li virdure: si serve nghe sardelle e faffellune. Mbè! Si ti stì a murì......cchiù nin ti mure! N.B. Cascigne = Grespino Cecorje - Cicoria selvatica Faffellune = Peperoni dolci secchi tostati o fritti Fojje a 'nderre = Verdure spontanee Piscialette = Tarassaco Papambele = Rosolaccio Rucchettone = Senape bianca Spraine = Aspraggine Verraine = Borragine